Առողջ ապրելակերպը նախընտրողների համար Pallada-ն առաջարկում է ընդարձակ մարզասրահ: Ոճային ինտերիերը, ժամանակակից սարքավորումները և հաճելի երաժշտությունը ստեղծելու են հարմարավետ միջավայր, իսկ բարձր որակավորում ունեցող փորձառու մասնագետներն օգնելու են առավել արդյունավետ և անվտանգ դարձնել մարզումները: Մարզասրահը գործելու է վաղ առավոտից մինչև ուշ երեկո՝ ֆիզիկական ակտիվությամբ զբաղվելու հնարավորություն ընձեռելով ձեզ հարմար ժամերին:

Pallada-ի խաղաղ և ինքնատիպ անկյուններից է լողավազանը, որտեղ միաձուլվում են ներդաշնակությունն ու նրբաճաշակությունը: Սա հիանալի վայր է լիցքաթափվելու, հաճելի ժամանակ անցկացնելու և կատարյալ հանգիստը վայելելու համար: Այստեղ շքեղության մասին պատկերացումները դառնում են իրականություն՝ հիացնելով, ոգեշնչելով և հրաշալի ակնթարթներ պարգևելով…

Pallada-ի ստորգետնյա առաջին հարկում տեղակայված է ընդարձակ ավտոկայանատեղի, որը համատեղում է հարմարավետությունը, անվտանգությունը և ժամանակակից լուծումները: Կառուցման բարձր չափանիշներին համապատասխանող ավտոկայանատեղին նախագծելիս հաշվի է առնվել յուրաքանչյուր մանրուք, ինչի շնորհիվ այն, իր հիմնական նպատակին ծառայելուց բացի, դարձել է ճարտարապետական յուրատեսակ տարր համալիրում: Այս ֆունկցիոնալ ավտոկայանատեղիում առկա են անհրաժեշտ բոլոր հարմարությունները, և ապահովված է մեքենաների շուրջօրյա անվտանգությունը: 

Pallada-ի տարածքում ուրույն տեղն ունեն ռեստորաններն ու սրճարանները, որտեղ անցկացրած յուրաքանչյուր վայրկյան լի է ջերմությամբ և ներդաշնակությամբ: Այստեղ կարելի է նշել ինչպես տոնական միջոցառումներ, այնպես էլ մեկ գավաթ սուրճի շուրջ մտերիմների հետ վայելել հաճելի երեկոն:

Pallada-ի փոքրիկ բնակիչները ևս համալիրում ունենալու են իրենց գունեղ և հեքիաթային անկյունը: Մանկական սրահում երեխաները կարող են խաղալ տարատեսակ խաղեր և անցկացնել հետաքրքիր ժամանակ, իսկ ծնողները՝ վստահ լինել, որ իրենց երեխաները հուսալի և անվտանգ վայրում են: Սրահում անցկացվելու են կրթական և ժամանցային միջոցառումներ՝ փոքրիկներին հնարավորություն տալով նոր ընկերներ և գիտելիք ձեռք բերելու:

Ակտիվ հանգստի սիրահարների համար Pallada-ն առաջարկում է ժամանակակից չափանիշներին համապատասխան ընդարձակ թենիսի կորտ: Այստեղ լինելու են անհրաժեշտ բոլոր պայմանները ինչպես պրոֆեսիոնալ մարզիկների, այնպես էլ սկսնակների մարզումների համար: Գիշերն ապահովվելու է վառ լուսավորություն՝ հնարավորություն ընձեռելով սիրելի սպորտաձևով զբաղվելու օրվա ցանկացած ժամին:

Pallada-ի վերջին հարկում Sky Bar-ն է, որը ոճային լուծումների և ինքնատիպ միջավայրի հիանալի համադրություն է: Այստեղից բացվում է գեղեցիկ տեսարան դեպի Ծաղկաձորի հիասքանչ բնություն: Յուրօրինակ մթնոլորտի շնորհիվ Sky Bar-ում անցկացրած յուրաքանչյուր ակնթարթ դառնում է հիշարժան: